Edîtorê Rojnewsî Silêman Ehmed 25ê teşrîna verêne ya 2023yî de hetê hêzanê PDKyî ra amebi remnayene. 211 rojan ra dima destûr dîya ke avûkatê xo bivîno û bi telefonî keyeyê xo de qisey bikero.

Avûkatanê Ehmedî ra Beşdar Hesenî derheqê pêvîayîşî de eşkerayîye daye. 

Hesenî da zanayene ke ey, avûkatanê bînan Rêvîng Yasin, Kameran Sarmemî û Rêbaz Wisûyî pîya Ehmed dîyo û vat: ''Silêman Ehmedî seba destekê înan pêro kesî selam kerdî. Ma pê şay bîyî ke rewşa ey hol a. Ey teyna waşt ke heta ke o vera bidîyo wa derheqê babete de hesasîyetê rayaumûmîye dewam bikero.''

Avûkat Hesenî vist vîrî ke Silêman Ehmed bi îdîaya ''asayîşo neteweyî visto binê tehlukeyî'' yeno tepiştene û vat: ''La derheqê na îdîa de delîlêk çin o. Ma babete ser o Mehkemeya Cigêrayîşî ya Dihokî de zî pêvînayîş kerd. Seba ke dosyaya ey cade sewqê mehkeme biba ma do xîret bikerê. Ma pê bawer ê ke roja mehkeme Silêman Ehmed do vera bidîyo.''