Bajarekê Sengeserî yê qezaya Pişderî yê Raperînî de kesê bi nameyê Sînan Demîryureko ke yeno vatene ke endamê MÎTî yo, bi motorsîkletî hêrişê hemwelatîyêkê Başûrê Kurdîstanî kerd.

Endamê MÎTî Demîryurekî bi çeke gule verdayî hemwelatîyê Başûrî ser. Hemwelatîyo ke nameyê ci nêzanîyeno bi giranî birîndar bi la bi çeka xo cewab da hêrişkerî û o kişt.

Hemwelatîyê Başûrî wedarîya nêweşxaneyî. Goreyê nasname û belgeyanê ke kewtê destê Rojnewsî hêrişker şaristanê Tokatî yê Tirkîya ra yo û wextêkî ra nata Silêmanî de ciwîyayêne.