Fermandaranê HPGyî ra Botan Silêmanîyî tecrîdê Îmraliyî, hêrişê îşxalî yê vera Kurdîstanî û polîtîkayê hemkarîya bi dişmenî ANFyî rê ercnayî. 

Silêmanî ard ziwan ke bi serran o vera kurdan polîtîkaya qirkerdişî yena caardene û vat: ''Ge ge pê komployanê mîyanneteweyîyan ge ge zî pê komployanê herêmanîyan hêrişî ameyî kerdene. Rayber Apoyî verê nê hêrişan tewir mojna. Rayber Apoyî pê tewir û îdeolojîya xo vera hêrişan cewab da. Coka komplogeran Rayber Apoyî esîr kerd. Rayber Apo nika Zîndanê Îmraliyî de binê tecrîdêkê giranî de xo ver dano. Dewlete wazena têkilîya Rayberîye ya bi şar û gerîlayan biqerifna, partîya ma tasfîye bikera. Rayberîya Serekê Apoyî de têgêrayîşê Azadîye nê komployî pûç kerdî, gamê serkewteyî eştî.

Dewleta tirke rewî ra vera gerîlayan şerêkê hîra û bi teknîkî ana ca. Dewleta tirke vera gerîlayan pêro îmkananê xo şuxilnena. Gerîlayê Azadîye yê Kurdîstanî pê îradeyê apogîrî, pê merdimîye û demokrasî qetî do cewabê nê hêrişan bidê.

Dewleta tirke wazena pê teknîkî xo biresna armancê xo. La seke Rayber Apoyî vat teknîko tewr pîl îradeyê merdiman o. Mamreşo, Heftanîn, Zendûra, Avaşîn de bi mengan o embazê ma tunelanê şerî de dewleta tirke kenê teng. Dewleta tirke nêeşkena debikewa tunelan kutikan şawena. Dişmeno zorbaz daristananê Kurdîstanî vêşneno, xoza xeripnena.

PDK nika hemkarîya dewleta tirke keno. Ganî şarê kurdî bi taybetî şarê Başûrî vera ney tewirê xo bimojnê. PDKyî 1992 de vera PKKyî şerê zereyî kerd. 1994 û 97 de PDKyî reyna birakûjî kerde. PDK seba menfaatanê xo ciwan û hêvîyanê şarê Başûrî binpay keno. Çîyo ke ma vanê propaganda nîya raştî ya. Seba ke ma erdê xo de bi hawayêkê azadî biciwîyê ganî ma erdê xo bipawê. Ganî şarê ma wayîrê gerîlayan vejîyê ke gerîlayî bibê xurtêr û vera dewleta tirke şer bikerê.

Pê terzanê tewir bi tewiran dewleta tirke şaş bîye. Wexto ke gerîlayî û şar benê yew qet yew hêz nêeşkeno verê înan de vindero, gerîlayî eşkenê şar bipawê û azad bikerê. Gerîlayî domanê nê welatî yê û nika vera dişmenî heta nefesê xo yê peyênî şer kenê, şehîd benê. 

 La hetê bînî ra PDK rayberîya dewleta tirke keno. Ganî şarê ma ney qebul nêkero û vera ci tewirê xo bimojnno. Ez venga pêro ciwananê Başûrî dana ke bêrê cengê azadîye. Bêrê ma pîya vera dewleta tirke ya îşxalkere, vera hêrişan wurzê payan ser. Ma dişmenî erdê xo ra pakî bikerê. Wa dişmen reyna nêeftero bêro Kurdîstan.''