Dewleta tirka ke serê sînorî de qezaya Çaldiranî ya Wanî û qezaya Bazidî ya Agirî de bi desan kalekol û qereqolî viraştî, nika zî dês virazena.

Dewleta tirke sînor de mabênê Wan-Îran, Agirî-Îran (Rojhelat) dês viraştbi. Ame îdîakerdene ke dês seba astengkerdişê koçberan virazîyeno. Her serre bi hezaran koçberî Îranî ra yenê Wan. Dewleta tirka ke bazirganîya merdiman rê destûr dana, nêverdana le kurdî bazirganîya sînorî bikera.

Dewleta tirke û dewleta Îranî her menge Wan de kombîyayîşanê asayîşî kenê. Kombîyayîşê menga tebaxe ra dima viraştişê dêsê asayîşî ame xurtkerdene.

Roniştoxê Çaldiranî vanê ke dês seba şerê vera kurdan û koçberan virazîyeno.