Dêrsim de sixletîyêka pîle qewimîyena. Dima ke gamê 'normalîzebîyayîşî' ameyî îlankerdene her hetê Vakurê Kurdîstanî û Tirkîya ra merdimî yenê Dêrsimî. Merdimî kişta Çemê Munzur û Pilemurîye de kebab kenê. Sixletîya merdiman û dûyê mangalan ra xozaya Dêrsimî texrîb bena.

Hemwelatîyê Dêrsim pê sixletîye û çopanê merdiman qayîl nîyê. Hemwelatîyî wazenê ke Şaredarîya Dêrsimî kontrolan bizêdîna û venga zîyaretgeran danê ke vera xoza bihûrmet bibê.

Hetê bînî ra vizêr keso ke waştêne pê telefonî fotografê xo bigêro Munzurî ra gina erdî ro û birîndar bi. Birîndar wedarîya nêweşxane. Dîya zanayene ke rewşa weşîye ya birîndarî hol a.