Kampanyaya 'Her kesî rê Edalet' ya HDPyî Anqara de 8ê sibate de dîyaye destpêkerdene. Wekîlê Hemserekanê HDPyî yê Amedî Îrfan Sonerî derheqê kampanya de qisey kerd.

Sonerî îfade kerd ke rojdemo verên ê kampanya tecrîdê vera Rayberê Şarê Kurdî Abdullah Ocalanî yo. Sonerî vat: ''Polîtîkaya krîmînalîzekerdişî ya vera kurdan eşkera ya. Wexto ke ma bala xo danê karanê kampanyaya xo ma vînenê ke mîyanê komelî de vera dewlete nêrazîbîyayîşî zêdîyayî. Şar venga ma dano ke hukmat wa biqedo. Eke ewro Amed de weçînayîş bêro kerdene HDP se ra 80 reyan gêno.''

Sonerî da zanayene ke hewceyê her kesî pê edaletî esto û vat: ''No nêno a mana ke ma dewlete ra çîyêk pawenê. Ma do pê rayraşîyayîşê xo edalet bero her kesî. Verî zî ma wazenê wa berê zîndanê Îmraliyî bêrê akerdene.''

Sonerî derheqê safhayanê kampanya de nê çîyî par kerdî: ''21ê sibate de Roja Ziwanê Dayîke ya Dinya de beşdarîya Mîthat Sancarî de seba ke kurdkî biba ziwanê fermî ma do kampanyayêke bidê destpêkerdene. 8ê Adare de, 16ê Adare Qirkerdişê Helebçe de, 21ê Adare Newroze de, 4ê Nîsana rojbîyayîşê Birêz Ocalanî de, 1ê Gulane Roja kedkaran de ma do kampanyaya xo dewam bikerê û tay aktîvîteyan bikerê.''