Serkêşîya Platformê Dezgehanê Demokratîkan de  çarçewa Hemleya ''Abdullah Ocalanî rê Azadîye, Meseleya Kurdan rê Çareserîya Sîyasîye'' de startê ''Rayraşîyayîşê Azadîye û Çareserîya Demokratîke'' Amedî ra dîya. Girse bi beşdarîya Hemsereka DBPyî Çîgdeme Kiliçgun Uçar, Hemserekê KCDyî Berdan Ozturk, Endamê ESPyî Orhan Çelebî, Mayanê Haştîye, TJA, hemşaredaran, wekîlan ûsn verê bînaya DBPyî de kom bi.

Girse bi slogananê sey ''Biji berxwedana gele Kurd" Meydanê Şêx Seîdî de ame pêser. Polîsan waşt ke girse asteng bikerê la girsey bi slogananê sey Bijî Serok Apo", "Bi can bi xwun em tere ne ey Serok", “Kurdistan, goristan, ji bo faşistan” barîkatî derbaz kerdî.

Çîgdeme Kiliçgun Uçar meydan de eşkerayîye wende. Çîgdeme vera astengîya polîsan nêrazîbîyayîşê xo mojna û vat: ''Şima Rojawan de cergan reyde îşxal kenê. Nê welatî de kurdî zî est ê. NATO û Tirkîya Sûrîye de kenê ke sîstemê şerîatî awan bikerê. HTŞ vera kurdan şer keno. Sûrîye de îdareyo tewr meşrû Rojawan o. 

Abdullah Ocalan ganî azad bibo ke o îradeyê bi mîlyoman merdiman o. Bi mîlyonan merdimî azadîya Ocalanî wazenê, tecrîdî nêwazenê. Şima nêeşkenê kurdê Rojawanî û Tirkîya cîya bikerê. Coka ma tîya de yê û tim Rojawanî bipawê.

Statu heqê kurdan o tewr meşrû yo. Coka ma tîya de yê. Ganî ma vengê haştîya rûmetêne berz bikerê. Ma ewro amedî ra, siba Riha, Dîlok, Adana, Mersîn û Anqara ra vengê xo berz bikerê.

No rayraşîyayîş awankerdişê haştîye yo, vengê cinîyan ê vera DAÎŞî yo, vengê vera qirkerdişî yo. Heta ke Birêz Ocalan azad bibo rayraşîyayîşê ma, do dewam bikero.''

Girse ver bi Anqara bi çepik û tîlîlîyan ame pêşwazîkerene.