Qezaya Sûrî ya Amedî de 4 serrî û nîmo ke qedexe  esto. KCD, HDP û DBPyî ra heyetêk şîyî Sûr ke qewimîyayîşan cade vînê. Heyetê ke hemserek û parlamenterê partîyan ke qala înan yena kerdene tede yê raştê astengîya polîsan ameyî.

Hemsereka  Pêroyî ya DBPyî Salîha Aydenîz ke tîya eşekrayîyêke daye ver rewşe nêrazîbîyayîş ramojna.

Aydenîze vat: ''Ma eşnawit ke tîya qedexeyo ke 4 serrî û nîmo 6 taxan de dewam keno wedarîyo û semedê çimdarî heyetêk raardê. Sûr de qedexe wedarîyo la partîk de dewam keno. Qedexeyo wînayên cayêkê dinya de nêameyo vînayene. Reyna faşîzmo wînayên zî çewî nêdîyo. Seba ke peyê nê desan de qirkerdişê înan estê û wazenê kerdişanê xo binimnê wîna têgêrenê. 5 serrî yo îqtîdaro faşîst  tîya bi hêrişanê xo kurdan rê dişmenîye keno. Tarîxî çîn kenê û wazenê Sûrî bikerê bi nasname û bêkesî. Tîya çîyêko beno dişmenîye vera kurdan, tarîx û komelî ya.

Ma reyna vanê ke şarê ma yo ke bizor tîya ra bar kerd vejîya ma tim cayê înan de yê. Wa no zaf hole bêro zanayene ke ma zaf hole zanê ûca de çi qewimîya. Êyê ke nêeşkenê îqtîdarê xo raya berê wazenê ke bi hêrişê vera kurdan payra bimanê. La ma sey şarê kurdî 31ê adare û 23ê hezîrane de ramojna heme şaranê Tirkîya û dinya ke no faşîzm eşkeno bêro rijnayene.''