Serekê YNKyî Bafil Talabanîyî bi wesîleya kampanyaya weçînayîşanê Herêma Kurdîstanî mesajêkê vîdeoyî weşana.

Talabanîyî mesajê xo de PDK qest kerd û pare kerd ke Herêma Kurdîstanî wextêkê dergî ra nata îdareyê yew partîye de ya û na partîye zî erdê Kurdîstanî roto dişmenê kurdan.

Talabanîyî vat: ''Na partîye erdê Herêma Kurdîstanî roto dişmenê kurdan û Kurdîstanî. Dronî her roje şarê ma qetil kenê û çew naye rê vengê xo nêkeno.''

Talabanîyî dîyar kerd ke na partîye nêverdana ke Bexdad meaşanê karmendan bişawo û şarî xapînena.

Talabanîyî ard ziwan ke verê cû seba ke Herêma Kurdîstanî de azadîyî est bîyê asta mîyanneteweyîye de hûrmet ameyêne mojnayene ci la ewro rojnamegerî û nuştoxî tepişîyenê.