Dewleta ke merkezê Colemêrgî girewto binê ablûqa tay taxe û dewî bi temamî tecrîd kerdî. Nê taxan ra yewe zî taxa Karşiyaka ya.

Dewleta tirk a ke merkezê Colemêrgî de bi hezaran qereqol û kalekolî viraştî bajar açarnayo warê leşkerî. Heme dewî binê ablûqa de yê. Rayîrê merkezê bajarî de nuqtayê kotrolî estê. Heme merdim û wesayîtî dekewtiş û vejîyayîşî bajarî de yenê cigêrayene. Şaredarîya Colemêrgî ya ke ameye xespkerdene zî tede heme dezgehê dewlete açarîyayî qereqolî. Her kuçeyê bajarî de wesayîtê zirxînî estê. Saetanê şanî de wesayîtê zirxînî sey konvoykî taxan a gêrenê.

Taxa Karşiyaka ke bi rindiya xo ya tebîî, awa xo ya zelale û bax bexçeyanê xo sey leteyêkê cenetî ya, bi serran o binê ablûqa û tecrîdê dewlete de têkoşînê cuya dana. Rayîrê xeripyayî û tengan de bi hendek û kerrayan girewte yê. Şarê taxe nêweşanê xo verî taxe ra vejeno dima ra pê ambulans yan zî wesayîtan beno nêweşxane. Bi serran o awa şimitişî çîn a. Hemwelatîyan bi îmkananê xo awe arda. Hemwelatîyanî ra yewî/e ke ANFyî rê qisey kerd vat: ''Dewlete ma rê sey dişmenî nizdî bena. Ma hînî nêeşkenê şirê keyeyê cîranê xo. Taxe binê tecrîdî de ya.  Bi serran o ke taxe rê qet xizmet nêardo.''