Sereka Koma Têgêrayîşê Goranî Gulîstane Seîd Rojnewsî rê qisey kerd û waşt ke Parlamentoyê Herêma Kurdîstanê Federalî wa Îdareyê Xoserî yê Rojawanê Kurdîstanî bişinaso.

Gulîstane Seîd îfade kerd ke Îdareyo Xoser wayîrê îdareyêkê aktîfî, çimeyanê xozayîyan o û seke dîyeno Îdareyo Xoser bi hawayêkê serkewteyî eşkeno xebatan bikero.

Gulîstane Seîd vat: ''Kurdî û îdareyê kurdan ganî îdareyanê bînan bipawê, tesdîq bikerê û tede têkilîye ronê. Bi taybetî ganî Îdareyê Başûrê Kurdîstanî ney bikero. Senî ke Parlamentoyê Herêma Kurdîstanî wextê şerê Kobanê de pêşmergeyî şawitbî Rojawanî ganî nika zî Îdareyê Xoserî bişinaso.''

Gulîstane da zanayene ke semedo ke parlamento Îdareyê Xoserî bişinaso ganî projeyêko taybet bêro kerdene û vat: ''No proje ganî hetê kesanê taybetan ra bêro amadekerdene û paştdayîşê beşanê bînan ê parlamentoyî, kesan û partîyan bigêro.''