Endamê Komîteya Merkezî ya Partîya Komunîste ya Şorişgêre/Têgêrayîşê Azadîye yê Yewbîyayeyî (DKP-BOG) Tekîn Yoldaşî serrgêra şehadetê ci de Ulaş Bayraktaroglu yad kerd ke Bayraktaroglu 2017 de Reqa de şehîd bibi. 

Tekîn Yoldaşî bale ante kesayetê Bayraktarogluyî ser û vat: ''Embaz Ulaş şorişgêrêko winayên bi ke ma pêroyînan rê bi nimûne. Mi o serra 2000î de şinasna. Ma hertim hetê ey de qerardarîya şorişgêran, coş û bawerîya ci hîs kerdî. Embaz Ulaş cu û şorişgêrîya xo ma rê bi serkêş.

Wexto ke Şorişê Rojawanî dest pêkerd, ey cade verê xo da uca û tewrê şorişî bi. Embaz Ulaşî bira awankerdişê Têgêrayîşê Azadîye yê Yewbîyayeyî rolêko aktîf ard ca. Embaz Ulaş tewrê Hemleya Minbic û Reqa bi û cepheyê şerî zî aver berd. Embaz Ulaşî sey şorişgêrêkê raştikênî pratîkêk mojna. Ma serrgêra şehadetê ci de ey bi rêz û hûrmetî yad kenê. Ma soz danê ke têkoşînê ey pîlêr bikerê.''