Operasyonê hewayî yê artêşa tirke Herêmanê Pawitişî yê Medya de bîyî rutîn. Artêşa tirke ya îşxalkere pê teknîkî hêrişanê hewayî kena. Erdê Kurdîstanî pê obus, hewan û teqaberan dîyeno bombayan ver. Artêşa tirke ya îşxalker hem xozaya Kurdîstanî hem zî gerîlayan kena hedef.

Pê hêrişan xozaya Zagrosî yena telankerdene. Dewleta tirke ya îşxalkere pê vateyanê '100 gerîlayî mendî, her roje 5 gerîlayî mirenê' şerê psîkolojîkî kena. La a raşte teknîkê artêşa tirke pê xoverdayîşê gerîlayan nêeşkena.

Herêmanê Pawitişî yê Medya de her ca de rêçê şerî estê. Mîyanê nê rêçan de guleyê qazanî, 2 ton teqaberî û jehrî estê. Nê bombayî texrîbatê pîlî kenê. Tewr zaf gerîlayê herême şahîdê nê kerdişan ê. 

Gerîlaya YJA-Starî Bêrîtane Leyla bale ante teqaberî vera dişmenî reyna şuxilîyenê û vat: ''Ê pê teknîkê xo bawer kenê. La no teknîk her wext netîce nêdano. Ma nê parçeyan qezanan de veng kenê, pê teqaberanê zereyî ma pê çalakîyanê serkewteyan kenê û tira netîce gênê. Yanî qazanê ke ê pê bawer ê her wext nêteqenê. Seke dîyeno nê bombayî vera ma şuxilîyenê. Vera xoza zî şuxilîyenê. Warê gerîlayan pê nê bombayan yenê vêşnayene. Nê metodî verê serkewtişê gerîlayan de astengî nîyê. Seke dîyeno teknîkê înan binê linganê gerîlayanê YJA-Starî de yo.''