Gerîlayanê HPGyî Mazlûm Çîyagerî û Kûrtay Dêrazorî qiseyê Rayber Apoyî ‘’Cinîye azad nêba, komel zî azad nêbeno’’ vist vîrî û dîyar kerd ke no têkoşîn tena ê cinîyan nîyo têkoşînê komelî yo hempar o.
Gerîlayanê HPGyî Mazlûm Çîyagerî û Kûrtay Dêrazorî bi wesîleya Roja Cinîyan a 8ê Adare ANFyî rê qisey kerd.
Mazlûm Çîyagerî vat: ‘’Rayberîye vana ke heta ke cinîyî azad nêbê komel zî do azad nêbo. Ganî merdim hêverî şorişê cinîyan awan bikero. Ganî cinîyî azad û xoser bibê. Ganî ma zî sey gerîlayanê camêrdan seba azadîya cinîyan têbigêrê. Ganî no têkoşîn tena hetê cinîyan ra nêro kerdene. No têkoşîn têkoşînê ma pêroyînan o.’’
Gerîla Kurtay Dêrazorî vat: ‘’Ma mîyanê nê refan de pê hesîyayê ke 8ê Adare çita yo. Mîyanê komelî de cinîyî kole bibî. La kesayetê embaze Zîlane û Sakîne de mîyanê rêxistine de têkoşîn ame kerdene. Ma pêro fikrê cinîya azade yê Rayber Apoyî ser o têkoşîn kenê. Rayber Apoyî fikrê azadîya cinîyan awan kerd. Ganî ma esasê fikranê Rayber Apoyî ser o mezgê xo azad bikerê.’’
