'Kombîyayîşê Demokrasîyî' yê ke safhaya diyîne ya hamleya çalakîyan ê têkoşînê demokrasîyî ya HDPyî yê, dewam kenê. HDP şaristanan ra gêreno û şarî reyde kom beno.

Hemserekê Verênî yê HDPyî û Wekîlê Wanî Sezaî Temellîyî derheqê tedayanê dewleta tirke ya vera HDPyî û 'Kombîyayîşê Demokrasîyî' de ANFyî reyde qisey kerd.

Temellîyî arz ziwan ke AKP xîret keno ke pê polîtîkayanê şerî û dişmenîya kurdan payan ser o bimano. Temellîyî vat: ''Vera polîtîkayanê AKPyî tek alternatîf HDP yo. Muxalefeto sîyasî yê Tirkîya tim girê dayîyê aqlê dewlete bi. HDK û HDPyî zî no teşhîr kerd û mojna ke sîyaset, muxalefet û îqtîdarêko bîn mumkîn o.

Fikrê ma hende xurt o ke îqtîdar ci ra tersa. Sey HDP ma naye vînenê û têkoşînê xo kenê pîl.  Îqtîdar zî vera naye bêçare mend û teda zêdînaye.  Bêguman no zulmn do biqedo û ê do şorê. La seba naye ganî têkoşîn bêro pîlkerdene.

Ganî ma şarî reyde kom bibê, îtîfaqakan bikerê û mîyanê komelî de bibê. Coka ma ver bi Anqara rayraşîyayîşê demokrasîyî kerd. Nika zî ma wazenê şarî reyde kom bibê, pîya têkoşîn bikerê.

Ma armanc kenê ke Tirkîya demokratîk bikerê. Coka ma bernameyêkê sîyasîyî anê ca. Ma wazenê no bername wa bireso şarê ma. Hîşmendîya ma seba hewceyanê şarî cewabêk o. Ma karê xo de dî ke komel, hîşmendî û fikrê ma senî sey ci yê.''