Tepişteyo nêweş Îbrahîm Yildirim rixmo ke se ra 96 astengdar o û raporê 'nêeşkeno zîndan de bimano' dîya ci Zîndanê Xarpêtî de merg ci rê yeno ferzkerdene. Cinîya ci Asliye Yildirim derheqê babete de ANFyî rê qisey kerd.

Yildirime eşkera kerd 90an de polîsan time eştêne keyeyê înan ser, lajê înan rê îşkence kerd, o destbend kerd û vat: ''Lajê mi rê tim tedaya psîkolojîke kerdêne. Ma neçare mendî ke lajê xo bişawê teberê welatî. Mi vat hînî polîsî nêerenê keyeyê ma ser. La dima polîsan heman çi ard mêrdeyê min ê astengdar û nêweşî ser. Vanê o tewrê cenazayan bîyo. Dêrsim de her kes merdimê yewbînan o. Ma senî nêşorê cenazayan? Mêrdeyê mi rixmo ke se ra 96 astengdar o, tepişîya.''

Yildirime îfade kerd ke mêrdeyê ci pê ê halê xo 5 serrî yo zîndan de yo û vat: ''Mêrdeyê mi astengdar o, nêeşkeno îhtîyacanê xo peyda bikero. Mezgê ci de tumer esto, yew çimê ci nêvîneno û çimê ci yo bîn zî nêm vîneno. Nêweşxaneyî raporê astengdarîye da ci. Key nêweşxane ra abigêro ey kenê hucreyê yewkesî, binê karanrîna. Aqlê mi tim zîndan de yo. Ma cuya ci ra qerqilîyenê. Nê kerdişî têna vera tepişteyanê sîyasîyan yenê kerdene. Tecawuzker, dizdî pêro hê teber de yê. Mêrdeyê mi nêeşkeno zîndan de bimano. Ma nêwazenê xebera mergî bigêrê.''