Tetişteyo PKKyîj Cuneyt Gul Bado ke Zîndanê Bandirma ra surgunê Zîndanê Isparta yo ke têna 3 endamê PKKyî tede yê bi raşte îşkenceyî ame. Gulo ke dima ra hucreyê yewkesan de ame cakerdene dest pê grevê vêşanîye kerd.

Avûkatê Gulî  Ozgur Yakutî ke ANFyî rê qisey kerd ard ziwan ke Gul herinda 14 rojan de 21 rojî kanrantîna de mendo û vat: ''Seba ke tepişteyan payra hûmartiş red kerdo Gul hetê gardîyanan ra ameyo kuwayene ke nika ermeyê ci yo çepe û destê ey nêtepişenê. Reyna derheqê tepişteyan de tehqîqatê dîsîplînî ame destpêkerdene û muvekîlê mi hucreyê yewkesan de ame cakerdene û heme heqê ci yê bingeyênî yenê binpaykerdene. Vera îşkence û neheqîye Gulî dest pê grevê vêşanîye kerd ke rewşa ci ya psîkolojîk û fîzîkî qet baş nîya. Reyna qerqilîyeno ke îdareyê zîndanî çîyêk bîyaro ey sere. Seba ke muvekîlê mi ameyo derbkerdene ez do gerreyê personelê zîndanî bikerê.''

Lajê Cuneyt Gulî Mazlûm Gulî zî ard ziwan ke babîyê ey 17 serrî yo sey tepişteyê sîyasîyî zîndan de yo nê vatî: ''Babîyê mi nê wextan de zîndananê cîya cîyayan rê surgun bi û raştê îşkenceyî ame. Nika pandemî zî kenê bahane nêverdenê ma ey vîne. Ma semedê asayîşê weşîya ci qerqilîyenê. Waştişê ma oyo ke wa dezgehê heqanê merdiman û sîyasetmedarî paştî bidê ma û na mesele rê eleqedar bê ke ma nê prosesî pîya bi paştdayîşî xo dima verd.''