Hêrişê şewe yê dewleta tirke ya îşxalkere ra dima hema zî serê Kampa Multecîyan a Şehîd Rûstem Cûdîyî de têgêrayîşê teyarayan dewam kenê. Wextê bombardumanî de ceyranê kampe bi temamî birîya.

Teyarayanê şerî yê dewleta tirke hêrişê vera Kampa Mexmûrî zêdînayî ke kampe de 12 hezar multecîyî estê. Kampe binê pawitişê Neteweyan ê Yewbîyayeyan de ya. 6ê kanûna 2017î de hêrişê hewayî yê TCyî de 5 kesî merdbî, 3 kesî zî birîndar bibî. 13ê kanûna 2018î de zî hêrişê hewayî yê vera Mexmûrî de cinîyêka 73 serre, kênaya ci ya 26 serre û tornê ci yo 14 serre û cinîyêka ciwane ya 23 serre merdbî.

18ê temmuza 2019î de teyarayanê şerî yê TCyî Mexmûr de 2 roniştoxê kampe qetil kerdbi. 15ê nîsana 2020î de teyarayanê bêmerdiman ê öekdaran ê TCyî yê îşxalkerî Mexmûrî ser o bombayî varnaybî û 3 cinîyî qetilkerdbi.