Leşker û notirê ke tewrê operasyonanê Heftanînî benê, pê xoverdayîşê gerîlayan nêeşkenê û moralê înan çin o.  Xeylêk leşker û notirî seba ke abigêrê xo bi zanayîşî birîndar kenê, bahaneyan vînenê. Nêzdîyê 4 hezar leşkerî tewrê operasyonî bîyî. Serebûtê ke Heftanîn de qewimîyenê nê leşker û notiran demoralîze kenê.

Çimeyanê herêmîyan pare kerd ke tewr tay 123 leşkeran îstîfa kerd û agêrayî û mîyanê hêzanê bînan ê operasyonî de zî panîk esto. Artêşa tirke de 'Sendromê Heftanînî' dest pêkerdo.

Endamê Komîteya Rayberdişî ya PKKyî Murat Karayilanî 21ê temmuze de bernameyêkê Stêrk TVyî de îfade kerd ke gerîlayî pê terzê neweyî Heftanîn de şer kenê, xo ver danê. Karayilanî da zanayene ke Heftanîn de 95 çalakîyî ameyî kerdene, 236 leşkerî kişîyayî û 6 helîkopterî derbî werdî.

Karayilanî vatbi: ''Girêk çin o ke artêşa tirke tede bin nêkewta. Şerwanî pê çêrî û mesuldarîye têgêrenê, pê terzê xo teknîk bin kenê.''