Hemserekê DEM Partîye yê Sêgirkî ahmet Gun hetê qoricîyan ra amebi qetilkerdene.

Hemsereka Pêroyî ya DEM Partîye Tulaye Hatîmogullari, Hemserekê DBPyî Keskîn Bayindir, Vervatoxa DEM Partîye Ayşegule Dogan, Wekîlê DEM Partîye Newroze Uysal Aslan û Zekî Îrmez, Mayê Haştîye, endamê TJA tewrê şînê Ahmet Gunî bîyî.

Hemsereka Pêroyî ya DEM Partîye Tulaye Hatîmogullari şîn de qisey kerd û vat: ''Dejê ma pîl o, hêrzê ma zaf o. No cînayetêko sîyasî yo. Embazê ma Ahmet welatperwer, kedkar, şorişgêrêk bi. Ey tim seba şarê xo têkoşin kerd. Nê sebeban ra zî o ame qetilkerdene. Dewlete sîstemê qoricîyan pêro Kurdîstanî ra vila kerdo. Nê kontrayî vera şarê kurdî têgêrenê. Wa çew pê kayanê înan mexapîyo.

Nê hêzê kontrayî yê çekdarî provakasyonan kenê, bazirganîya narkotîkî kenê, merdiman qetil kenê. La ma do vera înan têkoşînê xo rê dewam bikerê. Feraseto ke dejê Roboskî bi ma dabi antene embazê ma Ahmed zî qetil kerd.''