Pîyê 7 domanan Servet Turgut (55) yo ke hetê leşkeranê tirkî helîkopterî ame wareştene, badê 20 rojan ewro dinyaya xo bedilnayebî, ame definkerdene.

Qezaya Şaxî ya Wanî de leşkerê ke vejîyaybî operasyon dewêka Bêşababî ya Şirnexî de hemwelatîyê bi nameyê Osman Şiban û Servet Turgut 11ê êlule de destbend kerdî û dima helîkopterî ra eştî war. Servet Turguto ke 20 rojî yo beşê ciewnîyayîşê giranî de yo, ewro dinyaya xo bedilnaye. Cenazaya Turgutî hetê keyeyê ci ra Merkezê Tibî yê Dursun Odabaşî yê Unîversîteya Yuzuncu Yilî ra ameye girewtene.

Îdarekarê HDP û MEBYA-DERî, Hemşaredarê HDPyî Mustafa Avci yo ke wezîfeyê ci ame xespkerdene û xeylêk kesî tewrê girewtişê cenaza bîyî. Dima cenaza ameye berdene Goristanê Yenîmahale yê Artemêtanî. Polîsan dekewtiş û vejîyayîşê girewtî û destur nêda bê keyeyê Turgutî kesêk şiro goristan. Cenazaya Sevet Turgutî badê caardişê wecîbeyanê dînîyan bi lawikan ameye definkerdene.