Endama Komîteya Merkezî ya PKKyî Hêlîne Umît bi wesîleya serrgêra 25ine ya Komployê Mîyanneteweyî ya 15ê Sibate Medya Haber TV de qisey kerd.

Qiseykerdişê Hêlîne Umît ea tay noqtayê girîngî wina yê:

''Ma bi îdîa û qerardarîya parçekerdişê planê komployî kewtî serra 2024î. Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' zî qerardarîye eşkera kerde. Komplogerî seba ke komployî newe bikerê bi hawayêkê cidîyî xebitîyenê. Biewnê destpêk de Musteşarê MÎTî Îbrahîm Kalin û dima fermandarê artêşa tirke Yaşar Guler şîyî herême.

Wexto ke 1999 de komplo amebi kerdene ancî têgêrayîşê winayênî est bîyî. O çax zî kurdê xayînî est bîyî. Ewro hêzê komplogerî ancî gêrenê  ke bi destekê xayînan komployî newe bikerê. 25 serrî yo no plan dewam keno. Hêrişê komployî est o. Beno ke şer hîna giran dewam bikero.  Herême de ganî her kes xo seba ney amade bikero. Nika Rayber Apo binê tecrîdêkê giranî de yo. Komplogerî wazenê ke îdareyê têgêrayîşî û gerîlayan tasfîye bikerê û komployî newe bikerê.

Hêzê komplogerî wazenê ke 2024 de netîce bigêrê. La hîna qels bîyî. Gerîlayan di operasyonî kerdî û ê kewtî têmîyan. Coka dewleta tirke xo eşt verê berê NATOyî û kena ke Iraq çalakîyanê ma vindarno.

Rayraşîyayîşê Azadîye yo Pîl o ke seba azadîya Rayberîye Vakur de yeno kerdene ercîyaye yo. Komployî 25 serrî xo pey de verdayî. Kurdî 25 serrî yo vera komployî payan ser de yê. Coş û kelecanêko pîl est o. Zaf qîmetîn o ke kurdî nê prosesî de çalakîyanê xurtan û pîlan seba azadîya Rayberîye kenê. Ancî ciwanê enternasyonalîstî û kurdî rayraşîyayîşanê dergan kenê.

La ganî çalakî, mîtîng û rayraşîyayîşê seba azadîya Rayber Apoyî bêrê hîrakerdene. Bi taybetî ganî embazê cinîyî hîna aktîf bibê. Nika verê ma de rayraşîyayîşê Kolnî yê 17ê sibate est o.  No rayraşîyayîş zaf girîng o. Ganî teyna şarê kurdî ney dostê kurdan, zerrîwazê azadîye û demokrasî mîtîngê Kolnî de kom bibê. 

Her çalakîya azadîye merdiman azad kena. Çalakîkerdiş metodêkê azadbîyayîşî yo. Yanî ganî her kes seba xo tewrê çalakîyan bibo. Wa çew mevajo ke seba kurdan yan zî seba gerîlayan tewrê çalakîyan beno. Ganî seba azadî û demokrasîyî, seba xo yanî seba rumetê xo her kes tewrê çalakîye bibo. Coka ez venga pêro kurdan û dostanê înan dana ke seba ke rayraşîyayîşê Kolnî yê 17ê sibate bi hawayêkê heybetînî bêro kerdene bêmabên bixebitê.''