Endama Komîteya Merkezî ya PKKyî Hêlîne Umît derheqê Hemleya 'Tecrîd, îşxal, faşîzmî rê bes o; wext wextê azadîye yo' de ANFyî rê qisey kerd. Qiseykerdişê Umîte ra beşêk wina yo:

''Na hemle 12ê êlula 2020î de amebî îlankerdene û têkoşînê ma de safhayêka newî ya. Vakurê Kurdîstanî de sere de gerîla û zîndanan rê tesîrê her zeminî kerd. Zîndanî, ciwanî, cinîyî, elewî, êzidî, kedkar û cinîyê kurdî bêçalakî nêmendî. Her ca de ke îqtîdarê AKP-MHPyî hêrişê ci keno tede xoverdayîş û têkoşîn zî yenê caardene.

Hêzê tewr aktîfî yê hemleya ma têgêrayîşê cinîyan ê kurdan o. 2020 de têgêrayîşê cinîyan morê xo da binê têkoşînî ro.  Çarçewa Hemleya 'Wextê pawitişê cinîya azade û komelê azadî yo' de cinîyan xeylêk çalakîyî kerdî.  Sere de cinîyê ke sîyasetê demokratîkî de aktîf ê, xeylêk cinîyî tewrê na hemle bîyî û înan zêdêr rolî girewtî xo ser.

Sere de gerîlayî û embazê zîndanan ciwanî rayberîya têkoşînî her ca de kenê. Ma zanenê ciwanê ma maruzê hêrişan ê pîlan manenê la derbê ke ma nêkişenê ma kenê xurtêr. Ciwanê Kurdîstanî wexto ke nê hêrişan çin bikerî û bibê wayîrê metodê çaxî do hînî astengîyan ra derbaz bibê û biresê netîce.

Dewleta tirke temamîya tarîxî de dewrê tewr qelsî de ya. Coka hende kanwaz bîye.Ma eşkenê komara Tirkîya sey cergêke pênase bikerê. Îqtîdarê AKP-MHPyî xeylêk wextî kurdî seba menfaatê xo zî xebitnayî. No rejîmo faşîst mîyanê krîzêkê pîlî de yo la şer û qirkerdişê kurdan ber çîyêk nêkeno. No yeno a mana ke prosesê komployî dewam keno.

Xoverdayîşê Garê de reyna eşkera bi ke Komployê 15ê Sibate ra nata hêrişê seba tarîkerdişê ameyoxê kurdan dewam kenê. Ganî sere de cinîyê kurdî, komelê kurdan pê hîşmendîya peymana Rayber Apoyî nê rayîrê têkoşînî de şorê.  8ê Adare ganî pê nê moral û hîşmendî bêro pêşwazîkerdene. Cinîyê kurdî wa pê reng, ziwan, deyîr û tîlîlîyanê xo Kurdîstan de muşteyê wisarî bidê.

Ez sere de cinîyê ciwanî venga pêro cinîyanê Kurdîstanî dana ke 8ê Adare de vejîyê meydanan. Erê no şerêk o. Her ca de vera ma no şer yeno kerdene. Mumkîn nîyo ke ma xo teber de verdê. Xora AKP û MHP hêrişê pêro erj û kulturê cinîyan keno. Coka ganî ma 8ê Adare bikerê roja hesabpersayîşî.

Faşîzm sere de HDP wazeno pêro dezgehanê demokratîkan biqefilno. No hukmat wazeno pê rayîrê qeyûman îradeyê pêro komelî teslîm bigêro. Îqtîdarî binkewtişê xo yê Garê zî vera HDPyî şuxilna.

Sey têgêrayîşê azadîye ma pê qerardarî serkewtişê serra 2021î pêşwazî kerd. Xoverdayîşê Îmraliyî tewirê PKK û PAJKî eşkera keno. Rayber Apo mîyanê pêro şert û mercan de têkoşîn keno. Rayber Apoyî şerêko fîzîkî û komelkî yeno kerdene. Ez venga pêro şarê ma, embaz û dostan dana ke wa Rayber Apo holêr fam bikerê, şexsê ey de tewrê xeta xoverdayîşî bibê. Serkewtiş nê bingeyî de do bêro destvistene.''