Merkezê Îrtîbatî û Çapemenîye yê HPGyî bi eşkerayîyêke bîlançoya şerî ya menga nîsane eşkera kerde. Eşkerayîye wina ya:

''Gerîlayê Azadîye yê Kurdîstanî bi coşê Newroze dekewtî menga nîsane. Vakurê Kurdîstanî ra heta Herêmanê Pawitişî yê Medya gerîlayan nîsane de bi ruhê fedayî yê Apogirî çalakîyanê xo û xoverdayîşê xo rê dewam kerd.

Artêşa tirke ya îşxalkere nîsane de Dêrsimî ra heta Mêrdînî, Botanî ra heta Colemêrgî Vakur de operasyonî kerdî la nê operasyonan ra netîceyêke zî nêgirewte. Herêmanê Pawitişî yê Medya de zî hêrişê hewa û bombardumananê dişmenî bêmabên dewam kerd. Dewleta tirke ya faşîste seba ke îşxalê Başûrî rê mutefîqan bivîna, nîsane de bazarîyê gemarinî kerdî. Nê xîretê dewlete mojnenê ke a verê xoverdayîşê gerîlayan de teng bîya û bi sereyê xo nêeşkena şer bikera. Artêşa tirke ya îşxalkere dî ke a bi sereyê xo bi performans, taktîk û teknîkanê gerîlayan nêeşkena.

Artêşa tirke ya îşxalkere na raştîye fam kerd û 16ê nîsane de bi bêvengî û bê xebera medya vera Metîna dest pê operasyonê îşxalî yê neweyî kerd. Artêşa îşxalkere bi destekê PDKyî armanc kerd ke game bi game aver şora. Medyaya şerê taybetî ya dewleta tirke hem operasyonê îşxalî şarî ra nimit hem zî bi zûran îdîa kerd ke gerîlauê ma şehîd bîyê. Nîsane de teyna embazê ma Ararat Herekol, Berjîne Yilmaz û Zîne Zagros şehîd bîyî. Ma nasnameyê hîrê embazanê xo zî bi detayî pare kerdî.

Gerîlayê Azadîye yê Kurdîstanî têkoşînê xo de hîna zaf bîyê qerardar, taktîkanê xo de aver şîyê, amade bîyê û bi nê hawayî  hetê psîkolojîkî ra ser kewtê. Hêzê ma nê esasî ser o bi qerardarî û ruhê fedayî yê Apogîrî têkoşînê xo rê dewam bikerê.

Bîlançoya menga nîsane wina ya:

Hêrişê artêşa tirke ya îşxalkere

Hêrişê bi teyarayanê şerî: 279

Hêrişê bi helîkopteran: 30

Hêrişê bi teqaberanê qedexeyan: 11

Hêrişê bi dronanê teqaberan: 9

Hêrişê bi çekanê kîmyewîyan: 1

Çalakîyê gerîlayan

Bi temamî 29 çalakîyî ameyî kerdene.

12 îşxalkerî nê çalakîyan de ameyî cezakerdene

3 îşxalkerî nê çalakîyan de birîndar bîyî

Malzeme û hacetê ke ameyê îmhakerdene

Mewzî: 1

Sîstemê Radarî: 1

Kameraya Mobese: 8

Projektor: 1

Çek û malzemeyê leşkerî yê ke dest nîyayo ser

Çeka MPT-55î: 1

Dûrbunê çeke: 2

Fenerê Sereyî: 1

Verçimik: 1

Êyê ke ameyê derbkerdene

Helîkopterê Skorsky: 1