Çimeyanê herêmîyan pare kerd ke dewleta tirke ya îşxalkere Vakurê Kurdîstanî ra bi taybetî herêma Botanî ra notirî berdî Heftanîn û Hukmatê Başûrê Kurdîstanî zî seba ke pêşmergeyî cayanê sînorî de waranê gerîlayan de ca binê ferman dayo.
Dewleta tirke hêrişanê xo yê vera Başûrê Kurdîstanî de kurdan pê kurdan bida şerkerdene. Dewleta tirke notirê ke Vakurê Kurdîstanî ra ardî herêma Heftanînî de ca kerdî. Hukmatê Başûrê Kurdîstanî zî seba ke pêşmergeyî cayanê sînorî de waranê gerîlayan de ca binê ferman dayo.
Goreyê zanayîşanê ke ma çimeyanê herêmîyan ra girewtî artêşa tirke Vakurê Kurdîstanî ra bi taybetî herêma Botanî ra kom kerdî her dewe ra 12 notirî kom kerdî û ardî Heftanîn.
Ame parekerdene ke Hukmatê Başûrê Kurdîstanî seba ke di tugayanê pêşmergeyî sînoranê waranê gerîlayan de ca bikera ferman da pêşmergeyan.
Goreyê zanayîşan xeylêk pêşmergeyan no qebul nêkerdo têna 150 pêşmergeyî fermanê Hukmatê Başûrê Kurdîstanî ard ca.
