Wexto ke domanî cewabê 'Eke ti bibî pîl, benê çita?'' danê ge vanê doktor ge vanê mamosta ge zî vanê avûkat. La welatê ma de domanî vanê 'Êz do biba gerîla.' Domanê welatê ma her tim rastê şîdet, heqaret, pêrodayîş yenê. Welatê ma de cuye hetê dewlete ra ameye qedexekerdene. Welatê ma de têna xoverdayîş maneno, domanî xo înkar nêkenê.

Embaz Rizgar zî domanêkê welatê ma yo ke ziwan û nameyê ci yenê qedexekerdene. O zî xo rê nameyêk vîneno, fermandar û çêranê welatê xo şinasneno û hînî keweno rayîranê înan. Xoverdayoxanê Kurdîstanî ra raştî û embazî musenê.  

Ez zî wexto ke doman bîya wezîfeyê xo weçînabi. Embaz Rizgar zî tim sey embazanê bînan kişta zerrîya mi de bi. Wexto ke embaz Hêvî Rizgar amadekarîya seba raywanîya Amedî kerdêne mi o şinasna. Kelecanê çimanê ey, hesretê vatişanê ci zaf tesîrê mi kerd. Mi rê vatêne ke 'Bê ma pîya şo Amed.' Mi têna vat wa mi ra selam bikero Amedî, ez do bêro. Dima weriş we û ver bi fotografê Fermandarê Sûrî Şehîd Çîyagerî şi. Mi a hêle wina eqlê xo de qeyd kerde; hûrdî zî têkişt bîyî. Pê berpirsîyarîye ver bi Amedî kewtêne rayîrî.

Dişmenî seke har bîyî hêrişê erjanê ma kenê, her çî ma rê rewa vînenê. Embaz Rizgar û embaz Zinar 6ê hezîrana 2019î de Licê de netîceyêka şerî de tewrê karwanê bêmergan bi. Dişmenan nêverda ke kes nêzdîyê cenazayanê înan zî bibo. 40 rojan ra dima şar şino û cenazayanê înan gêno. Dişmenî reyna tersê xo mojnenê. Domanê Kurdîstanî zî reyna çêrî û xoverdayoxîya xo mojnenê. 

Nameyê Qodî: Rizgar Tolhildan

Name û Peyname: Felat Kocakaya

Cayê Bîyayîşî: Amed

Maye-Pî: Emîne-Necmettîn

Tarîx û Cayê Şehadetî: 3ê Hezîrana 2019î / Amed