Roşnvîr Vedat Aydin 5ê temmuza 1991î de hetê JÎTEMî ra amebi qetilkerdene.

Serkêşîya MEBYA-DERî de bi wesîleya Roşanê Remezanî Vedat Aydin serê gorê xo de ame yadkerdene. Endam û îdarekarê TJA, DBP û DEM Partî yê Amedî zî tewrê yadkerdişî bîyî.

Serê gorî de deqayêk rêz ame girewtene. Dima Hemsereka DEM Partî ya Amedî Pinare Sakik Tekîn şexsê Aydinî de pêro şehîdî yad kerdî û vat ke ê deyndarê şehîdan ê.

Wekîlê Amedî Serhat Erenî îfade kerd ke şexsê Aydinî de têkoşînê azadîye û demokrasîyî amebi hedefkerdene û vat: ''Meseleya kurdan bi şerî û qetilkerdişî ney bi dîyalogan çareser bena. Seba dîyalogan zî ganî tecrîdê vera Birêz Ocalanî bêro wedaritene.''

Cinîya Aydinî Şukrane Aydin bale ante ser ke ganî qetî keda kesanê sey Aydinî nêra vîrakerdene û wayîrê vîrameyîşanê înan bêro vejîyayene.''

Birayê Aydinî Veysî Aydinî zî dîyar kerd ke weçînayîşanê 31ê adare de îradeyê şarî vejîya werte û têkoşînê demokrasîyî ser kewto.