Her ca de rêçê şerî her ca de kombîyayîşê erjan esto. Manaya her kerra û gilê tîya zî esta. Tîya Heftanîn o. Warê cengî yo ke tede çêrî canê xo danê û danê ciwîyayene.

Ez rayîrê warêkê bînî de ya. Zîlane persena vana ''Ti do mi zî binusî ney?'' Rixmo ke kişta mi de bîye bi vengêkê berzî qisey kerdêne. Kelecan, moral û eşqê aye yê seba koyan tim enerjîya aye pawitêne. Tim persî persayêne. Rojêke zî persa vat: ''Wexto ke ti dîmenê gerîlayan gênî çita hîs kenî?'' Mi vat: ''Ez helêke mergî ra diznena, bêmergîye ra ruh gêna û  destê xo dana ci.'' Zîlane vat ''Mi fam nêkerd, ca verde.'' Aslê xo de fam kerdbi. Her çi huyayîş, rîya, şîyayîşê înan de aseno û nimitke yo. 

Cayanê winasênan de mana zêdîyena. Ez zanena ke merdim tewr zaf cayanê winasênan de fam keno ke heskerdiş çita yo çita nîyo. Merdim wexto ke nê cayan de azadîye ra tam gêno zêdêr bi mana ciwîyeno. Merdim nê cayan de Armanc Goşkarî ra rîyê xo, Atakan Mahîrî ra ziwanê xo, Hawar Bedranî ra cesaretê xo, Xelîl Dagî ra cesaretê xo gêbo. 

Wexto ke mi wina fikirîyayêne Zîlane vat wextê cîyabîyayîşî ameyo. Tîya de çîyo tewr zor xatirwaştiş o.

Merdim wexto ke reseno çîyêk wazeno ke bireso çîyê hîna rindêr û zehmetî. Mi nê cayan de no hîs kerd.Mi waşt ez înan gandar bikera û biresna pêro tarîxî. 

 Ez aya verêne nîya ke nê çîyan hîs kena. La na hele ez aya  ke înan gêna kamera û zerrîya xo de neqişnena.