Keyeyanê Wanî yê ke fîgurê tarîxî yê şaristanî yê nînan ra yew mendo. Mîyanê hende daran de zî têna darêka çinarî mende a zî pawîyena.

Erdlerzê 2011î ra dima AKPyî binê nameyê projeyê vurnayîşê şaristanî de her cayê şaristanî kerd betonarme. Qeyûman ra dima zî ca nêmend ke tede bînayî bêrê viraştene. Bi nê hawayî kulturo tarîxî yê şaristanî qedîya.

Serekê ÇEV-DERî Alî Kalçikî îfade kerd ke keyeyê kerpîçînî seba weşîya merdiman holêr ê û vat: ''Pê mantiqê çend beton hende pere yeno têgêrayene. Keyeyê Wanî yê ke Urartuyîyan ra mendbî ewro pêro çin bîyî. Têna darêke gêrîyaye binê pawitişî.''

Serekê Odaya Muhendîsan û Mîmaran (TMMOB) yê Wanî Mîhaîl Atîkî zî vist vîrî ke Wan serê xetanê fayî yê erdlerzî de yo û vat: ''Nê keyeyê tarîxîyî zimistanan germ ê, hamnana honik ê. Nê keyeyî vera erdlerzî zî asayî bîyî.''