Hêrişê îşxalî yê dewleta tirke bi destekê PDKyî Başûr de dewam kenê. Her roje derheqê rolê herêşanê îşxal û îhlaqî  de yê ke PDKyî girewto xo ser  agahîyê bînî eşkera benê. Agahîya peyêne ancî herême Behdînanî ra ya.

Dewleta tirke Amedîyê de warê Berê Silê yê turîstîkî de seba ke mewzîyanê betonînan viraza şantîya akerde. A raşte nameyê tîya Parka Amedîyê ya û binê kontrolê hêzanê PDKyî yê bi namzeyê Zêrevanî de ya. 

Girê Amedîyê rojawanê Zapî de yo. Tede gerîlayî vera hêrişanê giranan xoverdayîşêko destanwarî kenê. Artêşa îşxalkere tîya de bi giranî bin kewte û kewena. Gerîlayî, bi taybetî Yewina Hewayî ya Şehîde Axîne Mûş û Şehîd Dogan Zinarî bi çalakîyanê xo zor danê artêşa îşxalkere. 

No cayo ke çend wextî verî sey 'seyrangehî' şinasîyayêne bîyo şantîyaya artêşa îşxalkere. No zî mojneno ke dewleta tirke û şîrketê ci senî gonîya gerîlayan ser o hesabê gemarinî û bazarîye kenê.

Îhaleya şantîyaya Berê Silê hetê Suleyman Odabaşiyê dîyarbekîrijî ra ameya girewtene. Şîrketa Odabaşiyî mewzîyanê heziran artêşa îşxalkere rê ber ana. Aseno ke na şantîya hetê leşkeran ra pawîyena. Her mewzîya ke virazîyena qasê di metre ya û 9 tonan a.

Artêşa îşxalkere seba ke heqê sendromê Zapî ra bêra nê mewzîyan ra hêvî kena. Kena ke derbanê hewa û erdî ra xo bixelisna. La çalakîyê gerîlayan ê bêmabênî mojnenê ke nê mewzîyî zî do felata artêşa îşxalkere nêbê.