Qezaya Beşîrî ya Êlihî de çawişê pisporî yê bi nameyê M.O.yî domanêka 17 serre Î. P. rê tecawuz kerdbi. Çawişo tecawuzker hêverî amebi destbendkerdene la dima ame veradayene. Endamanê Platformê Demokrasîyî yê Êlihî veradîyayîşê çawişî protesto kerd. Hemsereka Sendîkaya Kedkaran ê Weşîye (SES) Denîze Toprak eşkerayîye platformî wende û vat: ''Mumkîn nîyo ke ma vera nê serebûtî bêveng bimanê. Babete cuya domanêke ya. Coka Êlih ganî bêveng nêmano.''

Heyetê Koordînasyonê TMMOByî yê Êlihî ra Meleke Atalay zî bale ante ser ke serebûtê hêrişê cînsîyî hetê dewlete ra yenê mîyankerdene. Meleke Atalay vat: ''Rixmê beyanê mexdûre û raporê Tipê Edlîyî zî sûcdar ame veradayene. ''

Meleke Atalay ard ziwan ke nê hêrişan ra dima girîngîya Peymana Îstanbulî zêdêr eşkera bîye.