Wexto ke mi eşnawit o tewrê karwanê bêmergan bîyo dîyalogê ma y peyên ame vîrê mi. 

-''Embaz aseno ke ti Xantûrî ra zaf hes kenî.

-O ma ra zêdêr hes keno.

-Wexto ke mi nameyê to eşnawit mi vat qey ti Başûrî ra yî. Nameyê to Goran o?

-Ganî ma nameyê her cayo ke bêwayîr mendo, bigêrê. Erdê Başûrê Kurdîstanî zaf dej ant û mi qet uja nêdî. La ez gerîla ya û mi nameyê xo kerd pa Goran. Mi no name weçîna û ez do ey bixebitna.''

Çêr nika verarê koyî de keweno ra. Nameyê çêrî Goran o. Goranî bi hawayêkê çêrî şer kerd.Wexto ke mi şehadetê ey eşnawit tay çîyî ameyî mi vîrî. 

Tewr peyên Goranî mi rê nê çîyî vatbi: ''Manaya heskerdişî, azadî û kurdayetî sebebê bingeyî yê tewrbîyayîşê min ê PKKyî yo. Heskerdiş û mana cuya gerîlayan bîyî. Kêm zî bo hîşmendîya min a neteweyî estbî. Perwerîya seba erdî ma rê krîterêk a. Azadîye zî parçeyê ney o. PKK de tim gêrîyeno azadî. Koletî seba ma tercîhêk nîya labelê azadî mejbûrî ya. Bi nê fikrî ez tewra gerîlayan bîya.''

Gerîlabîyayîş goranbîyayîş o.