Merkezê Riha û qezayanê ci de polîsan ewro serê sibayî operasyonî kerdî. Operasyonan de tewr tay 31 kesê ke tede sîsayetmedarê HDP'yî, endamê meclîsê şaredarîyan, xebatkarê şaredarîye û endamê sendîkayan estî, ameyî destbendkerdene. Nêame zanayene ke sedemê operasyonî çi yo.

Kesê ke ameyî destbendkerdene, ameyî berdene bi Mudirîyetê Asayîşî yê Şaristanî û yena pawitene ke hûmara destbendkerdişan beno ke biba zêdêr.

Sereştişanê keyeyan ê merkezê şaristanî de Hemsereka Şubeyê Egîtîm-Senî ya Riha Leyla Mumîne, îdarekarê SES'î Hîkmet Evîn, endamê Meclîsê Ciwanan ê HDP'yî Ferît Tamga û Songul Arpa, Serhat Ogur, Asil Turk, Necmettîn Orak, Talîp Bozkaya, Zubeyde Duvar, Tugba Başkale, Muzaffer Çakmak, Omer Bozdal ve Ozgurcan Altıngul, Sevgi Bulture, Namzetê Hemserekîye yê Şaredarîya Hîlvanî Bişar Tuysuz û wendekarê Zanîngehê Harranî Onur Atli ameyî destbendkerdene.

Sereştişê qezayan de nameyê kesanê ke ameyî destbendkerdene wina yê: Bêrecug: Endamê Meclîsê Şaredarîye Halîl Sarikaya û hemwelatijê bi nameyê Mahmut Korkmazer. Xalfetî: Hemserekê Şaristanî yê HDP'yî Abdurrahman Çîftçî, endamê Meclîsê Şaredarîye Naîme Bayram. Pirsus: Endamê HDP'yî Ahmet Yenîlmez, xebatkarê şaredarîye Mehmet Tugalan, Mûstafa Gunduzalp û V.A., M.G. Wêranşar: Endamê Meclîsê Şaredarîye Kemal Kudîn, Burhan Goren, Fatma Sîlgîre. Serêkanîye: Fatma Aslane, Şeyhmûs Dagtekîn. Girê Sor: Mehmet Kultur