Vîrusê Korona pêro dinya rê tesîr kerd û Tirkîya û Vakurê Kurdîstanî de beno sebebê mergan. Seba ke dewleta tirke vera Korona tedbîrê qîmî nêgirewtî, şar neçare maneno ke tedbîran bigêro. Nê tedbîran reyde zaf keyeyî şaristanan ra agêra dewan.

Tay keyeyê ke serranê 1990an de dewan ra bi zorî amebi koçkerdene vilabîyayîşê vîrusê Korona ra dima newe ra agêreno dewanê xo. Tewr zaf zî Colemêrgî rê yeno koçkerdene. Keyeyê ke merkezê Colemêrgî ra agêra dewan, dewan de dest pê viraştişê keyeyan kerd, baxçe û baxan de zî dest pê karî kerd. Dewanê Çemîalekanan, Xelîka, Bekopî, Xenanis, Sûmanis, Kotanîs û zaf dewanê Colemêrgî de agêrayîşê merdiman zêdîyayî.

Wan de zî bi seyan keyeyê qezayan Rêya Armûşî, Tûşba, Artemêtan û Erdîşî agêrayî dewanê xo. Merdimê ke agêrayî dewanê xo îfade kenê ke merkezê şaristanan zaf qerebalix o û vîrusê Korona tede zaf vila beno. Roniştoxî anê ziwan ke dewe hem aram ê hem zî xozayî yê coka ê agêrayî.