Operasyonanê leşkerîyan ra semed çar hetê Kurdîstanî de dar û daristanî hê vêşenê. Şewato ke 1ê hezîrane de Pîran de dest pêkerdo hema zî dewam keno. Rixmo ke nê şewatî operasyonan ra semed qewimîyenê qeydanê fermîyan de ca nêgênê. Serekê Pêroyî yê Federasyonê Komeleyan ê Dêrsimî (DEDEF) Alî Haydar Benî derheqê babete de Ajansê Mezopotamya rê qisey kerd.

Benî vist vîrî ke serranê 90an de dewî ameyêne vêşnayene û 2016î ra nata zî daristanî yenê vêşnayene.  Benî pare kerd ke nê şewatî zerar danê xoza û gandaranê Kurdîstanî û warê cûye texrîb kenê.

Benî vat: '' Şarê herême wazeno şewatî rê mudaxele  bikero. La yeno astengkerdene. Ganî ma wayîrê xozaya xo vejîyê. Ege de zî şewatî qewimîyenê. La dewlete cade mudaxeleyê nê şewatan kena. Herêma ma de eşkerayîyî dîyenê, sozî dîyenê la mudaxele nêno kerdene. Selahîyetdarî vanê 'Şewat gêrîya binê kontrolî.' La şewatî dewam kenê. Dewlete qestî ra mudaxele nêkena. Dewlete Kurdîstan de çarçewa polîtîkaya bêmerdimverdayîşî de têgêrena û wazena waranê Kurdîstanî veng bikera.''