Artêşa tirke ya îşxalkere dima ke 2022 de binkewtiş û vînîbîyayîşê pîlî girewtbî 2023 de fermandarê xo vurnayî û sînorê operasyonanê xo hîra kerdî. Nê fermandaranê artêşa tirke zî seba ke xo îsbat bikerê û weşê efendîyanê xo şorê leşkerê xo seba mergî şawitî ver bi waranê gerîlayan.

Gerîlayan bi doktrînê şerê şorişgêrî şertanê tewr zehmetan de zî bi serkewtişî ard ca, asta xo ya têkoşînî îsbat kerde. Gerîlayî bi taktîkanê xo hetê profesyonelî ra zaf aver şîyî û no meydanê şerî de mojna. Nika gerîlayî xeylêk taktîkanê şerî têzereyî şuxilnenê û çalakîyanê serkewteyan kenê. Di waranê esasan de yanî şerê tunelan û tîmê hereketînî yê şerê erazîyan gerîlayî terzê xo eşkera kenê. Tunelan de gerîlayî vera çekanê konvensîyonelan ê dişmenî zî xoverdayîşê pîlî kenê. Erazîyan de zî gerîlayî bi şerê xo derbanê danê artêşa tirke ro û dişmenî aciz kenê. Artêşa tirke no terzî nêpawitêne coka rixmo ke operasyonê xo yê îşxalî hîra kerdî tim derbî werdî. Şerê tunelanê Şehîd Doganî yê Warê Xoverdayîşî yê Sîda û şerê tunelanê Warê Xoverdayîşî yê Girê FMyî zî îsbatê ney ê. Gerîlayî seba ke erazîyan hol şinasnenê serdestîya înan zî tam a ke nê zî avantajê gerîlayan ê. 

Artêşa tirke Herêmanê Pawitişî ye Medya bi hawayêkê bêmabênî dana bombayan ver ke verê têgêrayîşanê gerîlayan bigêra. La gerîlayî tunelanê xo yê şerî ra semed nê bombardumanan ra zerarêk nêvînenê. Dişmenî seba ke serê binkewtişê xo yê parî bigêro emser hêrişê xo zêdînayî la gerîlayan bi derbanê xo hem leşkerê îşxlkerî hem zî fermandarê înan ê neweyî rezil kerdî. Bi taybetî çalakîyanê di menganê peyênan ê gerîlayan îşxalkerî pêrîşan kerdî. 

Dişmenî vat ke sere de Zap Herêmanê Pawitişî yê Medya de bi rehetî cabido xo. La înan zimistan hesab nêkerd. Teyna gerîlayî eşkenê mîyanê şertanê zimistanî de weş û war bimanê. Gerîlayan bi ruhê fedayî yê Apogîrî 22-23yê kanûne de bi operasyonanê xo yê şorişgêran artêşa tirke felç kerde. Artêşa tirke bi hezaran reyî fermandaranê xo bivurna zî do nêeşka xo derbanê gerîlayan ra bixelisna.

Rejîmê Erdoganî seba ke serê nê binkewtişî bigêro bi vilakerdişê faşîzmî û propagandaya serê leşkeranê kişteyan xîret kerd ke xo bixelisno. Pêro bara şerî erzîyena komelê Tirkîya ser. Waranê şerî de zî rewşe wina ya. Leşkerê tirkî bi edebîyatê 'Vatan-Millet-Sakarya' seba ke emrê îqtîdarî derg bo erşawîyenê mergî.

Seke Fermandarê MPŞyî Murat Karayilanî vatbi nê şerî de teyna di rayîrê îşxalkeran est ê; ya xo apey ancenê yan zî îmha benê. Artêşa tirke nê derbanê peyênan ra dima gereka hîna hol fam bikera ke bi teknîkî xo bixelisna. Eke fam nêkera zî gerîlayî do  bi derbanê hîna bitesîran bi aye bidê famkerdene. Wa çew bi na raştîye şik nêkero.