Wan de vîrusê Korona ra heta nika 10 kesî merdî û hûmra waqayan ê pozîtîfan zî bîye 478. Semedo ke wextê janî de 2 taxan de şîn ame ronayene waqayî zêdîyayî. Şaristan de nika 18 hezar kesî binê karantîna de yê. 

Taxa Sîyavanî ya qezaya Rêya Armûşî de keyeyê Eraygenî û taxa Emînpaşayî ya qezaya Edremîdî de keyeyê Gulçekî rixmê qedexeyî zî bi nimitkî keyeyanê xo de şîn na ro. Dima şaristan de hûmara waqayan zêdîyaye. Rîyê şînî ra Sîyavan de hûmara waqayan bîye 128 û Emînpaşa de zî bîye 35.