Weçînayîşê herêmîyî 31ê adara 2024î de do bêrê kerdene. Wan de seba namzedîya Hemşaredarîya Wanî 120 cinîyan û 170 camêrdan muracatê DEM Partîye kerd.

Hemvervatoxê Komîsyonê Weçînayîşan ê Wanî yê DEM Partîye Delîl Aksoyî derheqê babete de ANFyî rê qisey kerd.

Delîl Aksoyî seba weçînayîşanê herêmîyan şîarê înan 'Wan de 14 de 14' o. Aksoyî vat: ''Wano ke paytextê herêma Serhedî yo, ma do weçînayîşanê adare de cewabê xo bidê. Ma do namzetanê xo goreyê waştişanê şarê xo dîyar bikerê. Pêro hemwelatîyê ke wazenê rejîmê qeyûman şoro muracatê ma kenê.''

Aksoyî dîyar kerd ke ê do sindoqan ronê û goreyê rayanê şarî namzetanê xo yê şaredarîyan eşkera bikerê. Aksoyî vat: ''Ma wazenê merkez û 14 qezayan de zî şaredarîyan qezenç bikerê. Seba hemşaredarîye û endamîya meclîsanê şaredarîyan ma rê zaf muracatî ameyî. Bi taybetî cinîyan eleqeyêko pîl mojna. Seba binvistişê rejîmê qeyûman ê AKP-MHPyî destê ma ra çi bêro ma do bikerê. Wa embazê ma pê ma bawer bikerê û muracat bikerê.''