Taxa Murataldi ya qezaya Payîzava ya Wanî de 23ê gulane de keyeyê Koçî hetê kes yan zî kesan ra ke nasnameyê ci nêno zanayene ame vêşnayene. Kes yan zî kesan penceraya hetpeyê keyeyî ra dekewtî zere û pê mazot keye vêşna. Şewat bi xo hewna şi la keye bi temamî xera bi.

Semedo ke keye de çew çinbi zerarêk nêresa endamanê keyeyî. Keyeyî Koçî ard ziwan ke mabênê înan û keyeyêkê dewe de semedê erazîyêkî ra alozîye esta û nê keyeyî seba ke gef biwano keyeyê Koçî vêşna. Emrah Koçî bale ante ser ke dima ke kadastro ame dewe, alozîyan zî dest pêkerd û da zanayene ke ê do gerrayê serebûtî bikerê.