Serekkomarê Tirkîya Recep Tayyîp Erdoganî laserê Rîze de herême zîyaret kerde û herême sey herêma afatî îlan kerde. La rixmo ke Wan û qezayanê ci de bi serran o hem erdlerz hem zî laser qewimîyeno herême hema zî sey herêma afatî nêameye îlankerdene. 2020 de Elbak de reyna laser qewimîyabi. 

20 rojan o dewanê Elbak, Ebex, Qelqelî, Erdîş, Payîzava de laser de 400 keyeyî û erazîyê zîretî binê awe de mendî. Nêzdîyê hezar heywanî telef bîyî.  Hemwelatîyî qerqilîyenê ke laser reyan wurzo. Dewijanê Esenyamaçî yê Elbakî derheqê mesele de qisey kerd.

Levent Şîmşek: Keyeyê mi rijîya. Ma zaf reyî muracat kerd la tira netîceyêke nêvejîyaye. 8 keyeyê ma binê awe de mendî. Wa hukmat tîya herêma afatî îlan bikero.

Kenan Şîmşek: 20 rojan o dewlete ma zîyaret nêkerd. Roşanê Qurbanî ra nata keyeyê ma binê awe de yê. Ma tersenê çew do bimiro.

Salih Yildiz Şukru: Ne sîgortaya ma esta ne heywanê ma mendî. Ma mexdûr û pêrîşan ê.

Deştan Şîmşek: Pêro erazîyê ma binê erdî de mendî, sîgortaya ma çin a. Dewlete seba ke bedelê zerarî bida sîgorta wazena. 300 heywanê mi telef bîyî. Şar hetkarîye paweno.