Wan de protestoyê qeyûmî ameyî qedexekerdene!
Walîyo ke hetê rejîmê Enqere ra sey qeyûmî Şaredarîya Bajarê Pîlî ya Wanî rê ame tayînkerdene semedê 15 rojan heme çalakî û aktîvîteyî qedexe kerdî.
19’ê Tebaxe ra nata vera xespkerdişê şaredarîyanê Amed, Wan û Mêrdînî çalakîyê protestoyî dewam kenê. Walîyo ke sey qeyûmî şaredarîya Wanî de ame cakerdene aktîvîte û çalakîyî semedê 15 rojan qedexe kerdî.
Walîtîya Wanî da zanayene ke merkez û qezayanê bajarî mabenê tarîxanê 27/08/2019 û 10/09/2019 de heme çalakî û aktîvîteyî ameyî qedexekerdene.
