Wan de vayê berardoxan, xida û werdeyan tim yenê zêdekerdene. Mîyanê 10 mengan de reya diyîne vaya nanî ameye zêdekerdene. Yew nanê bi 250 gramî bi 1.80 lîra.

Ahmet Ceylano ke Wan de firinê ci esto vano semedo ke vaya ardan, ron, ceyran, gaz û madeyanê bînan zêdîyaye înan vaya nanî zî zêde kerde.

Muslîm Kayayî zî vera vaya nanî nêrazîbîyayîşê xo mojna û ard ziwan ke hemwelatîyê şaristanî zêde karkerê înşaatî yê la semedo ke zimistan dîya karê înan kêmîya. Kayayî vat: ''Mîyanê nê şert û mercanê giranan de zêdînayîşê vaya nanî xirab bi. Tek mesuldarê ney îqtîdar o. Terefgîrê na qesre ciwîyenê la şar mîyanê sefaletî de yo.''