Wan û Colemêrg de ke bêkarî û xizanîye zêde yê, rîyê vaykerdişê resayî ra şarî tengîye anceno. Nê şaristanan de berardiş çin o, zîret û heywankarî zî seba debarî qîm nêkenê. Rîyê vîrusê Korona ra zî bi seyan esnafan dikanê xo qefilnayî û nika bêkar mendî.

Kesanê ke bêkarîye ra agêrenê dewanê xo vera vaykerdişê resê mabênê Wan û Colemêrgî nêrazîbîyayîşê xo mojna. Hemwelatîyê bi nameyê Azad Aslanî pare kerd ke di mengî verê cû vaya resî 40 lîra bibî la nika bîya 80 lîra. Aslanî vat: ''Seba rayîrê 200 kîlometre na vaye zêde ya. Xora her kes bêkar o. Nê rojanê tengan de ganî vaye hende nêbîyêne.''

Kesêko ke nêwaşt nameyê xo eşkera bikero vat: ''Ez û cinîya xo, ma do şorê Colemêrg la rîyê vaye ra ma nêeşkenê şorê. Ez bêkar a. Di kes şorê û bêrê vaye kena 320 lîra. Na bêwijdanî ya.''