Taxa Şûşanişî ya qezaya Rêya Armûşî ya Wanî de, Serekê AKPyî yê verênî yê qezaya Rêya Armûşî Murat Beşenkî û merdimanê xo pê çekan hêrişê keyeyê cîrananê xo kerd. Hêriş de Goksel Bîrîkî dinyaya xo bedilnaye, Dogukan Bîrîk (23), Semîh Bîrîk (32), Mûstafa Bîrîk (16) û Yûsûf Bîrîk (17) birîndar bîyî. Rewşa Semîh Bîrîkî û Dogukan Bîrîkî giran a.

Dîya zanayene ke Murat Beşenk pawitoxîya Serekê AKPyî yê Rêya Armûşî Yavuz Kuşanî keno. 

Goreyê şahîdanê serebûtî wextê hêrişî de 4 wesayîtanê zirxînan ê polîsanê tirkan mudaxeleyê hêrişî nêkerd û teyna seyr kerd. Goreyê şahîdan dadîya Goksel Bîrîkî vato: ''Lajê mi verê çimanê polîsan de ame qetilkerdene.''

Cenazaya Goksel Bîrîkî şewe ameye definkerdene.