Rîyê faturayanê vayan ra Wan û Colemêrg de ceyran, gazo tabî û awa xeylêk kesan birîyayî. Menga nîsane û gulane de zî her di şaristanan de zî hîrê faturayî pêser ameyî ke no zî bi sebebê nêrazîbîyayîşanê şarî. Rixmo ke hewa bîyo germ hema zî şerketê gazê tabîyî yê AKSA û Akmercanî hemwelatîyan rê faturayê qasê 500-1000 TLyî erşawitî.

Dezgehê bînî yê dewlete VEPSAŞî mabênê 200-500, VASKîyî mabênê 2 hezar û 7 hezar TLyî de faturaya awe erşawite. Zaf hemwelatîyê ke nêeşkê faturayanê xo bidê dîyayî îcra. Şarî îfade kerd ke ê rîyê faturayan ra kewte tengasîye û vera şîrketan nêrazîbîyayîşê xo mojna.