Merkezê Colemêrgî û hema hema pêro qezayanê ci de qereqol û kalekolan reyde xeylêk dewan de kişlayê leşkeran estê. Dewleta tirke merkez de bi hezaran lojmanê leşkeran viraştî. AKPyo ke Colemêrg kerd kişlaya leşkeran nika zî merkez û qezayanê ci de waranê sivîlan de seba leşker û polîsan 331 bînayan virazeno.

Herêma Gupsî ya Colemêrgî de kişta Bananê Erzlerzî yê Gupsî de seba leşker û polîsan 400 bînayî virazîyenê. Bînayî nêzdî de do biqedê û teslîmê leşker û polîsan bibê.

Colemêrgî ra ber qezaya Geverî de zî seba polîsan 700 bînayî virazîyayî. Merkezê Geverî de zî waranê sivîlan de 230 bînayî dîyayî leşkeran. Şarî îfade kerd ke dewlete qestî ra waranê înan de ca dana leşkeran. 

Hemwelatîyêkî vat: ''Çi kar û gureyê polîsan cayê ma de esto? Ma naye qebul nêkenê. Dewlete qestî ra wina kena ke hemwelatîyî asîmîle bibê.''