Dewleta tirke ya îşxalkere hezîrane ra nata Heftanîn de operasyonan kena ke Kurdîstan îşxal bikera. Gerîlayê HPG û YJA-Starî vera nê operasyonan xoverdayîşêkê bêhempa kenê. Artêşa tirke ya îşxalkere nê operasyonan de qoricîyan vernî ra şawena. A raşte dewleta tirke xoverdayîşêko winasên nêpawitêne.

Anqara rixmê netîceyan zî rewşa raştikêne nimnena. Her ke têgêrena  gerîlayî vejîyenê vera înan. Heftanîn de bi nameyê artêşa tirke çîyêk nêmend.

Dewleta tirke zî na tengasîye ra hêrişê sivîlan kena. Wazena hemwelatîyan bitersna û herême bikera veng. La şarê Başûrî bi taybetî badinijan sereyê xo wedarit û ê vejîyayî meydanan. Artêşa tirke o çax zî leşkerê Iraqî hedef kerdî û Iraq û gerîlayan 3 şehîdî dayî. Nê hêrişî ra dima şarê herême bi hawayêkê xurtêrî  çalakîyanê xo do dewam bikero.

HPGyî sozê xo yê seba şarî ard ca û seba qesasê şehîdan helîkopterêkê dewleta tirke Çarçêla de vist warî. Na çalakîye çapemenîya ereb û dinya de bîye rojdem. La çapemenîya tirkan na çalakîye mîyan kerde.

Seke şorişanê dinya de zî ame dîyene eke şar û hêzê şorişî bibê yew nêrijîyenê. Dewleta tirke do netîceya nê xoverdayîşê şar û gerîlayanê Kurdîstanî de birija û tarîxî ra çin biba.