Îşkenceyê sîstematîkî yê zîndananê Tirkîya ra 3 mengan de nêzdîyê 60 tepişteyan dinyaya xo bedilnaye. Heyetê HDPyî û rêxistinê komelê sivîlî zî şinê zîyaretê zîndanan.

Hemsereka TUHAY-DERî ya Wanî Edîbe Babur derheqê babete de ANFyî rê qisey kerd.

Babure dîyar kerd ke wexto ke îqtîdar pê îradeyê şarî nêeşkeno hêrişê tepişteyan keno û vat: ''Zîndanan ra cenazayê embazanê ma vejîyenê. Vera zîndanan her tewirê teda est a. 2022 de 60 embazanê ma zîndanan de dinyaya xo bedilnaya. Nê pêro embazî hucreyê yewkesî de bîyî. Wan de 3 embazê ma yê tepişteyî merdî. ''

Babure ard ziwan ke mesuldara nê mergan dewleta tirke ya û  vat: ''Tek mesuldara nê mergan dewlet a. Ganî tepişteyê nêweşî bêrê tedawîkerdene. Tecrîdê vera Birêz Ocalanî pêro zîndanan ra vila bîyo. Ganî tecrîd û polîtîkayê teda biqedê. Ganî embazê ma vera bidîyê.''