Semedê projeyê HESo ke ameyêne waştene Gelîya Zîlane de virazîyo Mehkemeya 1. ya Wanî de semedê betalkerdişê ci dewa ameye akerdene. Dayîreyê 6. yê Mehkemeya Şêwirdare bira Îdareyê 1. yê Wanî  semedo ke 'Raporê ÇEDî hewce nêkeno' xera kerde. Mehkeme zî muracatê vindarnayîşê îdareyî reyna red kerd.

Şîrketa Anonîmî ya Berardişê Elektrîkî ya Zîlane waştbi ke waro ke tede Qirkerdişê Zîlane qewimîyabi 'Regulatorê Zîlane û projeyê HESî' viraza. Mudirîya Xoza û Walîtîya Wanî 30ê adara 2012î de bira 'Raporê tesîrê xoza çin o' dabî. Ney ser o Gokakim Elektrîk Uretîm A.Ş. serra 2014î de dest pê awankerdişê projeyê HESî kerd.

Tay hemwelatîyan bira 'Raporê ÇEDî hewce nêkeno' berde Mehkemeya Îdarî ya 1. ya Wanî.

Vervatoxê Platformê Zîlane Şahabattîn Demîrî bire ser o qisey kerd û vat ke ê do dewa ra fek vera nêdê.  Demîrî vat: ''Armanc têna viraştişê HESî nîyo. Ê  hem wazenê Zîlane de qirkerdişê vîr û xoza bikerê hem zî wazenê Zîlane bivurnê baregehê leşkerî û bazirganîye. Zîlane de bi hezaran kesî ameybî qetilkerdene. Ma do dewa tim teqîb bikerê.''