Endama Komîsyonanê Hembeşan ê Parlamentoya Herêma Kurdîstanî Şayane Eskerî Derkarê û Metîna de 8-9ê hezîrane de heyetêkî reyde cayê kişîyayîşê 5 pêşmergeyan de cigêrayîş kerdbi.

Şayane derheqê serebûtî de qisey kerd û da zanayene ke wesayîto ke amebi teqnayene rixmo ke zanîyayêne heyet do uca de cigêrayîşî bikero wedarîyabi. Şayane vat: ''Serebûtê 5ê hezîrane de yew rolê gerîlayan çin o. Ma nêeşkayî şorê dewanê sînorî. Şarê herême vano ke dewleta tirke uca de daran birnena. Heta nika 60 dewan de darî birîyayî yan zî ameyî vêşnayene. Dihok de 60 yan zî 70 baregehê dewleta tirk estê. Goreyê qanûnê Iraqî dewleta tirke nêeşkena 15 km. ra zêdêr xo nêzdîyê sînorî bikera la dewleta tirke nê qanûnî binpay kena. ''

Şayane îfade kerd ke Tirkîya xo rê PKK kena bahane û wazena pêro herême talan û îşxal bikera. Şayane vat: ''Dewleta tirke herême dana bombayan ver, sivîlan kişena. Ma de dokumentê nê kerdişan estê. Ganî hukmatê Iraqî û dewletê bînî vera nê hêrişanê dewleta tirke vengê xo vejê.''